Schlosshuuler Blog

  Archiv

La Crperie @ MIO 2014

Mi 01.10.2014 21:30
Autor: Thomas Huber

Die MIO 2014 ist bereits wieder Geschichte und wir blicken stolz auf vier traumhaft schöne Tage zurück. Bei wundervollem Wetter durften wir auch dieses Jahr wieder zahlreiche Gäste in unserer „La Crêperie“ begrüssen und mit köstlichen Crêpes verzaubern. Wir bedanken uns bei allen Gästen für ihren Besuch, die vielen tollen und aufheiternden Feedbacks sowie die geselligen Stunden die wir mit euch verbringen durften. Ein paar Bilder findet ihr in unserer Galerie

Wir freuen uns bereits heute wieder auf die MIO 2015 und wünschen euch eine schöne Zeit bis zur Fasnacht.

Eure Schlosshüüler Lostorf

24. Generalversammlung

Sa 12.04.2014 18:00
Autor: Thomas Huber, Marco Bitterli

Met de gestrige 24. Generalversammlig esch es gschichtsträchtigs Vereinsjohr vo de Schlosshüüler Lostorf z'Ändi gange. De offizielli Teil het gstartet met de Wahl vom Stimmezähler ond de Abnahm vom letschtjöhrige Protokoll. Nüt esch be eus förd Ewigkeit, dorom sind aschliessend eusi altehrwördige Statute met es paar Ergänzige eusem moderne Vereinsbild apasst worde. De Kassebricht het de Mitglieder e detaillierte Iblick gäh id Finanze vom Verein ond Buechfüerig esch i allne Hesechte als korrekt befonde worde.

I eusne aschliessende Johresbrichte hei mer met viel Humor, Ironie aber au Ärnscht- ond Gwössehaftigkeit es fantastischs Vereinsjohr nomol lo Revue passiere. Veli alti Stories sind uspackt worde ond mer hend of zahlrichi Highlights chöne zrogblicke, so dases während dere ganze Stond bestemmt nie langwilig worde esch. „Mer sind stolz ond dankbar, sone tolli, ehrgizigi ond motivierti Troppe im Rögge zha wo eus emmer weder sehr viel Freud bereitet“, öbbe so chönte mer die 20 Siite Johresbricht zämefasse :-)
Als Präsi hani mers natürli ned lo näh, im Name vom ganze Verein eusem Tambi Marco ond Vizetambi Thomas för die hervorragendi Arbeit im vergangene Johr z’danke. Onter tosendem Applaus hei mer ehne 1x Platin ond 2x Gold för eusi Hits im 2013/2014 dörfe öberreiche.

Eusi Vizepräsidentin Scheri het aschliessend souverän dors kommende Johresprogramm gfüert ond grob ufzeigt, was eus so werd erwarte. Mer freue eus bereits höt uf die coole Aläss ond uf die viele Uftritt, wo eusi zuekönftig Tourneeplanerin Fränzi bereits organisiert het.

Leider het eus a dem Obe au es langjährigs Metglied verloh zom in Zuekonft sine bruefliche Herusforderige nochezcho. Mer danke der Michi uf däm Wäg ganz härzlich för din toll Isatz i eusem Verein. Ebefalls hoffe mer, eusi langjährigi Mitglieder Daniela ond Maik , ergendwenn weder als Aktivmitglieder be eus begrüesse. Mer wönsche euch för Zuekonft alles Gueti, viel Chraft ond Erfolg bem erfölle vo euchne private ond bruefliche Ufgabe.

Nach viele Johr im Vorstand hend gester au eusi Tourneeplanerin Elke ond eusi Kassier Maik ehres Amt a Nagel ghänkt. Mer danke dene beide härzlich för die super Onterstötzig im Vorstand ond wönsche viel Spass bem gniesse vo de neu errongene Freizit. De neu gwählti Vorstand esch bereits voller Tatedrang:

Alexandra Suter, Franziska Peier, Geraldine Moll, Thomas Huber, Marco Bitterli, Markus Schmid, Matthias Eng (v.l)

Met grosser Begeisterig hei mer gester aber au chöne es paar neui Aktivmitglieder be eus begrüesse, nachdem sie es sensationells Probejohr be eus häregleit hend. Härzlich willkomme Didi, Jeannine, Luki, Sämi ond Babs, mer wönsche euch veli onvergässlechi Stonde i eusne Reihe. De Carmen wönsche mer viel Spass bi de Ehrerondi, hoffe du hesch es paar schöni Täg im sonnige Nizza verbrocht ;-)

Zom Abschloss vo dere Generalversammlig esches mer en grossi Ehr gsi euse Präsi metere wördevolle Laudatio, als Ehremitglied eusem Verein vorzschloh. E sechtlich grüerte Tom het dä Titel nachere lange Standing Ovation vom Verein, metere spontane Dankesrede ond voller Stolz entgägegno.

„Danke viel mol för euche Isatz, gniesset alli en wonderschöne Sommer ond chehred voller Energie i die nöchsti Saison zrogg!“

Euche Präsi ond Tambi
Tom & Marco


Saison verlngeret...

Sa 08.03.2014 20:00
Autor: Thomas Huber

Nachem klägliche Usscheide vom EHC Olte i de Playoff am Zischtig, esches au för eus Ziit worde zom euses Kostüm a Nagel hänke... esch leider nüt worde metem Final-Uftritt als Trikotsponsor :-) 

Nachere durchzechte Beizetour am Donnstig ond em Oswärtsspiel i de Innerschwiiz in Steihuuse am Fritig, hei mer  am Samstig a de Gugge uf de Gass Olte unsicher gmacht. Es witers Highlight esch am Sonntig de Omzog met vielne Bsuecher ond eme krachende Monsterkonzert gsi. Die chorzi Verschnuufpause am Mäntig het eus die nötig Energie gäh, zom am Zistig nomou euses Beschte uf de Chilestäge am Gugge-Obe chöne zeige. Tonufnahme vo eusem Uftritt findet ehr i eusem Repetoire. Als krönende Abschluss vo dere wondervolle Fasnacht hei mer meteme gmeinsame Uftritt de Adi als Tambi vo de Guggi Zunft dörfe verabschiede... 100dB+ wo no lang i eus wärde nochehalle!

Mer legge jez aber ned wie de EHCO onter Palme ond schlörfe Cocktails, nei be eus got i zwöi Woche nomol rechtig Poscht ab am Brandon de Moudon. Mer freue eus uf luutstarchi Onterstötzig ond veli bekannti Gsichter a eusem Oswärtsspiel.

Fotis vo de ganze Fasnacht fendet ehr i eusere Galerie oder i eusere brandneue gratis App för iOS ond Android.

Zodem hei mer Full-HD Videos vo eusne 6 neue Lieder veröffentlicht, die findet ehr uf usem Youtube-Kanal oder natürli au i eusere App:

All Of The Lights - Kayne West
I Knew You Were In Trouble - Taylor Swift
Hall Of Fame - The Script
Eurodance-Medley - Diverse Interpreten
Locked Out Of Heaven - Bruno Mars
Ecstasy Of Gold - Jay Z / Ennio Morricone

 

Kommentare (1)

Sozialwse

Di 04.03.2014 09:00
Autor: Thomas Huber

Mer engagiere eus ned nor sozial-medial uf Facebook, Youtube oder sit neustem met eusere eigene Smartphone-App. Mer bringe dFasnacht scho sit Joore zo eusne Chlinschte im Kantonsspital, spiele im Alterheim för eusi Vorfahre oder bsueche eusi Mitmönsche im Pflegeheim. Höt begleitet de Social-Media-Webmaster "Tom" euse Social-Therapist "Sämi" a sis Heimspiel im Buechehof:

Zeit Auftritt Ort
14:00 Uhr Kinderumzug Lostorf
16:00 Uhr Buechehof Mahren
21:40 Uhr Gugge-Bühne Olten
23:30 Uhr Chelestäge Olten

 

Nachem finale Uftritt uf de Chelestäge esch för eus denn d'Oltner-Fasnacht leider scho weder verbi. Wär aber vo eus noni gnueg het, cha i rond zwöiehalb Woche met is Wälsche cho, wo mer es Wocheänd z'Gast sind am riisige Brandon de Moudon. Hets di sogar so fescht packt das der zuelose eleige nöme längt ond be eus wettsch aktiv metmache, mäld di doch be eusem (a)soziale Präsident.

 

Seite 1  2  3  4  5  6  7  8

 

NEWS

28.10.2019

Das Puzzle wird zum 1. Mal zusammengesetzt

15.11.2018

Saisonstart

03.10.2018

La Crperie 2018 - Herzlichen Dank

Termine

21.08.2020

30. Generalversammlung

Geburtstage

25.07.1989

Andr Lindemann

Umsetzung: apload GmbH ⰱ0 Guggenmusik Schlossh쥲 Lostorf
我以前是那样的,后来才注意到丰胸产品。我先天性发育不太好,因为胸部只有小b杯,所以结婚的时候特别是美女喜欢穿那种瘦小的内衣产后丰胸。时间久了,胸口不大,反而变小了,结婚生下宝宝,喂了一年左右。断奶后,胸部过于收缩粉嫩公主酒酿蛋 ,原本没什么胸部的是a杯而不满。因为胸痛频繁到医院检查,有轻微乳腺增生,医生说我长期穿着内衣也有很大影响丰胸粉嫩公主酒酿蛋,提醒姐妹们注意,不要挤压胸部。